Subling nanguna si Davao City Mayor Sara Duterte sa pagkapresidente sa 2022 national elections, bisan pa man nga gisalikway na niini ang posibilidad sa paglansad sa pinakataas nga osisyon.
Subay sa survey sa Pulse Asia gikan Setyembre 6 hangtud 11, anaa sa 20 percent ang rating ni Mayor Sara gikan sa 28 percent niadtong Hunyo.
Nagsunod usab ikaduhang puwesto si kanhing Senador Bong Bong Marcos nga may 15 percent rating, sunod si Manila Mayor Isko Moreno nga may 13 percent rating ug ikaupat si Pacquaio.
Kahibaluang sa miaging Martes, giindorso sa Partido Pilipino sa Pagbabago (PPP) nga bag-ohay lang girekognisar nga national party Comelec, si Davao City Mayor Sara Duterte-Carpio isip presidential candidate alang sa 2022 elections
Sumala kang PPP Director General Leonardo Fernandez, opisyal nang gituboy ang Mayor isip standard bearer ug kini na usab ang bahala mopili sa iyang vice presidential candidate.
Atol sa party launching ug National Directorate Convention sa Tagum City, giorganisa sa partido ang planong magpagawas og Certificate of Nomination and Acceptance (Cona) sa musunod nga adlaw.
