Nakaranas ng radio challenge mula sa China sina Senate President Juan Miguel Zubiri, Majority Leader Joel Villanueva, at Deputy Majority Leader JV Ejercito bago lumapag sa Pag-asa Island.
Ang parehong hamon sa radyo ay natanggap din ng isang eroplano ng Philippine Air Force na lulan ng grupo ng mga mamamahayag na nag-cover sa pagbisita ng mga senador.
Maliban dito, may namataan ding isang Chinese Coast Guard vessel at ilang Chinese militia vessels na may 3 hanggang 4 nautical miles ang layo mula sa Pag-asa Island.
Sinabi ni Naval Forces West Commander Commodore Alan Javier ito ang normal na bilang ng mga sasakyang pandagat ng China na nakita ng mga pwersang Pilipino.