-Daina Gerona
KABANKALAN CITY, Negros Occidental — Nagapanindugan ang pamilya sang senior citizen nga gina-alegar nakuryente -patay sa isa ka punong sa So. Bita, Brgy. Su-ay syudad sang Himamaylan, tinalikdan nga adlaw nga wala sang abiso, bisan karatula lang man nga may live wire ang palibot sang punong.
Palayag sang magulang nga lalaki sang biktima nga amo si Renato Guanzon, nga nakibot na lamang ini nga may yara sang live wire ang punong bisan pa nga wala ini sang unod. Suno pa sa mga residente nga naga-istar malapit sa punong nga halin sang una, dira sila naga-agi padulong sa Bagacay sakay sa baruto.
Gin-ako naman sang tag-iya sang amo nga punong nga si Resureccion Bu-oy, nga nagbutang ini sang live wire bangud kapila na ka beses nga ini ang ginkawatan sang isda. Apang, suno sa mga residente halin sang una wala sang kinawatay nga nagluntad.
Angot sini, palayag sang hepe sang Himamaylan Police Station nga si Police Lieutenant Colonel Anthony Grande nga posible magapangatubang sang civil responsibilities si Bu-oy sa ti-on nga mangin positibo nga nakuryente si Hernan sa mangin resulta sang post mortem examination.
Madumduman nga sang nasapwan ang bangkay ni Hernan Guanzon nga residente sang So. Bita, 62-anyos ang edad, may nakalambud nga alambre sa wala nga kamot sini kag ultimo nga ultimo pilas sa ulo gid lamang ang na-angkon sini, may gasulong nga dugo sa ilong kag kamot.
Bangud sini, may pagduda na ang magulang ni Hernan sa ginapatihan nga Kon makuryente posible masunog ang lawas sini, kag Kon paano man nakasulod si Hernan bangud maikit ang kudal nga kawayan sa likod nga bahin sang punong.*