-Reymund Titong
KABANKALAN CITY, Negros Occidental — Gin-aprobahan na sang Energy Regulatory Commission (ERC) ang pagpatigayon sang “staggered” ukon ang pahat-pahat nga pagbayad sang mga konsumidores sang tanan nga electric cooperatives sa Western Visayas, sang ila bill sa kuryente para sa bulan sang Mayo.
Suno kay Janeene Depay-Colingan, executive director kag ang general manager sang Philippine Rural Electric Cooperatives Association (PHILRECA), nga ang tanan nga electric cooperatives (EC) sa rehiyon 6, ang iga-implement ang “staggered” ukon pahat-pahat nga pagbayad sang ila bill sang kuryente sa bulan sang Mayo, tub-tub anum ka bulan.
Ini ang mismo gin anunsyar sang mga katapo sanh Electric Cooperative Association of Region VI Inc., matapos ang ila gin-patigayon nga regional press conference sa syudad sang Iloilo, sang Lunes, Mayo 27.
Read: NO BAYAD, NO SIGA: NOCECO, maga-pangutod sa gihapon sang kuryente sa bulan sang Mayo
Dugang diri, gina ayo man ni Colingan nga e-“defer” ukon temporaryo man nga pa-untaton sang ERC ang pagpanukot sang mga power suppliers sa mga ECs sa rehiyon, agud indi man ini ang mabudlayan sa pag-bayad, sa tion nga ang mga konsumedores indi man gilayon makabayad sang ila bill sang kuryente.
Apang, ang ‘deliquent’ uko delayed na sa pagbayad sang ila kuryente sa pila na ka bulan, lakip na ang nautdan sang kuryente binulan antis ang natabo nga pagtaas sa bill — ang indi maka benipisyo sang amo nga payment scheme.
READ: Pipila ka kunsomidores sang NOCECO, naga-plano mag-tukod sang isa ka power watch group
Nagpabutyag man sang kabalaka ang mga general managers sang Central Negros Electric Cooperative (CENECO), Negros Occidental Electric Cooperative (NOCECO) kag Northern Negros Electric Cooperative (NONECO) nga amo sanday Arnel Lapore, Domingo Santiago, Jr., kag Dorothy Evangelista, nga kun magtipon ang mga bill sang mga wala naka bayad, posible ini nga maka apekto man sa ila operasyon.*
READ: NOCECO, naka pasaka sang 9.41 pesos nga presyo sang kuryente sa sulod sang lima ka tuig