Madre gin-pusil ha Kawayan, Biliran

Gintatambal pa ha hospital an usa nga 75 ansyos nga madre, mahuman pusilon hin waray pa makilal-e nga responsabli, didto ha Brgy. Burabod, Kawayan, Biliran dida han Dominggo, Mayo 26,2024

Kinilala an bitkima kan Sister Ma. Gemma Onipa, 75 anyos, misyonaryo nga madre han Our Lady of Peace.

Ha nakuha nga impormasyon ha Brigada News FM Tacloban, samtang nakikita an biktima hin santos nga misa ha telebisyon, han toktokan han suspek an balay hini, ngan han pagbri ni sister Gemma han ira purtahan para panginanuon kun hino an nagtoktok, tigda nala gin pusil han suspek nga nakasul-ot hin jacket nga dulaw.

Naigo ha sugbong an madre, samtang dayon naman nga kumalagiw an suspek mahuman an krimen.

Yana, gin iimbistigaran na hiton mga otoridad an motibo ngan pangilal-an han suspek.

Leave a Reply

Your email address will not be published. Required fields are marked *