-Reymund Titong
KABANKALAN CITY, Negros Occidental — Mismo ang Negros Occidental Electric Cooperative (NOCECO) na ang nagpahayag nga humalin tuig 2020, nagsaka na sa 9.41 pesos ang presyo sang kuryente sini, sa bulan sang Mayo.
Sa report sang NOCECO sa gin-patigayon nga public inquiry sang Huwebes, Mayo 23, sang tuig 2020 sa kapareho nga bulan sang Mayo, yara lamang sa 8.5426 per kilowatt hour ang ginabaydan sang mga kunsomidor. Apang, nakaligad ang lima ka tuig, sa amo man nga bulan, nangin 17.9609 per kilowatt hour na ang presyo sang kuryente ang ginabaydan sang mga kunsomidor sang kooperatiba.
Read: NO BAYAD, NO SIGA: NOCECO, maga-pangutod sa gihapon sang kuryente sa bulan sang Mayo
Ang rason sang pagtaas suno sa NOCECO, amo ang mataas nga generation charge sang mga power suppliers nga ginakuhaan kuryente sang kooperatiba base sa presyo sa Wholesale Energy Spot Market (WESM).
Plano naman magsulod sang kooperatiba sa isa ka kontrata sa isa power supplier sa Cebu, agud mas ma stabilize ang presyo sang kuryente, kag indi na mag-salig sa naga saka-panaog nga presyo sang kuryente sa spot market. Apang, asta sa karun, wala pa na aprobahan sang Energy Regulation Commission (ERC) ang proposal.