Gikumpirma sa live-in partner nga si Apple Valenzuela nga nakabsan na sa kinabuhi ang motorista nga si Louie Marle Villanueva, 35 anyos nga gidaro sa van sa sa Highway sa Barangay Lasang pasado alas 7:00 sa gabii, September 28, 2021.
Si Villanueva nga taga Bunaply, Barangay Bunawan, ang nagmaneho og motor kagabie dihang gidaro sa pampasaherong van.
Sumala pa nga patabok na sa pikas linya ang motorsiklo dihang nabanggaan ug gidaro kini sa pampasaherong van nga dunay byaheng Baganga-Davao kinsa gimaneho ni Sherwin Dominguez Cantorte, 35 anyos nga taga Barangay Tibal-og, Santo Tomas, Davao del Norte.
Ang biktima igo lang unta nga magsundo sa iyahang live-in partner didto sa maong lugar.
Sa karon gikustudiya una sa Bunawan Police Station 6 ang drayber sa maong van.BNFM-DAVAO
