Pasok sa scholarship grant ng Bureau of Fisheries and Aquatic Resources ang dalawamput anim na mga mag-aaral.
Nitong nakalipas na Huwebes ay lumagda na ang mga ito ng kanilang kontrata sa BFAR Region 3 bilang benipisyaryo ng Fisheries Scholarship Program para sa taong 2022.
Kabilang dito ang dalawampung Fisherfolk Children Educational Grant (FCEG), tatlong Fisheries Industry Leader (FIL) at tatlo ring Fisheries Scholarship Program para sa Indigenous Cultural Communities/Indigenous People.
Sa ilalim ng scholarship grant ay sagot na ang matrikula, may P5,000 monthly stipend allowance, P2,000 book allowance kada semestre, P3,000 practicum support, P7,000 research grant at P1,500 graduation support.//Jen Bayot-BNFM OLONGAPO
PHOTO: BFAR Central Luzon
