BAWAL gihapon ang pagkaligo sa ilado nga Queen Tuna Park o kanhi Lions beach sa Barangay Dadiangas South, GenSan tungod sa pabiling taas nga level sa fecal coliform.
Giangkon ni Allan Marcilla, labaw sa City Environment and Natural Resources Office (CENRO) nga hugot gipatuman ang pagpasarado sa maong bahin sa barangay. Apan dili nila mapugngan ang mga tawo partikular na gikan sa gawas sa GenSan nga dili maligo gumikan kini ang libre.
Dugang ni Marcilla, 2020 gimanduan sila sa Environment Management Bureau (EMB) 12 sa temporaryo usa nga i-ban ang pagkaligo sa lugar. Samtang aron matubag ang maong problema, nagpahimo sila og pansayan sa Purok duol sa lugar.
Human mihatag og inisyal nga pondo ang nga naa sa P500,000 alang sa pagpahimo og pansayan sa Queen Tuna Park. I Richel Gubalani
