NAKUMPISKA ang P900,000 kantidad sa iligal nga droga sa gihimong illegal drug buy bust operation sa kapulisan Purok 8, Barangay Poblacion, Tupi, South Cotabato.
Giila ni Police Brigadier General Jimili Macaraeg, regional director sa Police Regional Office (PRO) 12 amg mga dinakpan nga silang alyas ‘Tagalog’, 43 ug ‘Ren-ren’, 42-anyos, pulos nagpuyo sa Sarangani Province. Sa taho sa Regional Police Drug Enforcement Unit (RPDEU) nga naa sa 135 gramo sa gituohang shabu ang nakumpiska sa operasyon.
Matud ni Macaraeg, padayon ang pagpahugot nila sa kampanya batok iligal nga droga sa rehiyon-12. Kini human mibalik ang mga personalidad nga nag lie low kaniadto sa pagkalambigit sa aktibidad sa iligal nga droga. Samtang, kasong pagsupak sa Republic Act 9165 o Comprehensive Dangerous Drugs Act of 2002. I Richel Gubalani
