NAKAHILAK sa kalipay ang amahan sa Gensan boxer nga naapil sa Asian Youth Boxing Championships sa nasud Kazakhstan.
Sumala kay Coach Nigel Napoles kulbahinam kaayo ang dula sa iyang anak nga si John Paul gumikan dili usab sayon nga kalaban ang Thai boxer, kon makaigo man si John Paul mabalusan usab kini sa iyang kalaban.
Gidugang ni Nigel nga singot, dugo ug gutom ang sakripisyo sa iyang anak aron makuha ang sakto nga timbang sa featherweight division, ug nagbunga ang tanan gumikan sigurado na kini sa bronze medal.
Nagapanghinaut si Napoles nga masungkit sa iyang anak ang bulawang medalya.
Kahibaluan nga si John Paul Napoles nakuha sa Philippine Team ug ikaduha na nga niaway gawas dala ang bandila sa nasud Pilipinas. I Ver Diazon
