CAMARINES NORTE – Handa na rin ang Muslim Community dito sa Daet Camarines Norte para sa pagdiriwang ng Eid’l Fitr o ang pagtatapos Ramadan ngayong araw.
Inaasahang magsisimula ang sama- samang pagdarasal ng mga kapatid na muslim dakong alas 6: 30 o alas 7 ng umaga na gaganapin naman sa covered court ng Barangay Borabod.
Inoobserba ang Eid’l Fitr sa unang tatlong araw ng Shawwal o ang ika-10 buwan sa Islamic calendar kung saan nakabatay ito sa mismong pagpapalit ng buwan kaya nagbabago-bago ang petsa ng pagdiriwang taon-taon.
Itinuturing na sagrado ang buwan ng Ramadan na ginugunita ng mga muslim sa pamamagitan ng fasting at pananalangin.
Sa pagdiriwang ng Eid’l Fitr ay nagkakataipon, ang mga magkakamag-anak at magkakaibigan para sa masayang piging at handaan.
![](https://i0.wp.com/brigadanews.ph/wp-content/uploads/2024/04/10-1024x1024.jpg?resize=1024%2C1024&ssl=1)