Siniguro ng Meralco na hindi magkakaroon ng aberya pagdating sa suplay ng kuryente sa mismong araw ng halalan sa Mayo a-nueve.
Sa isang panayam, tiniyak ni Meralco Chief Commercial Officer Ferdinand Geluz na mababa ang posibilidad na magkaroon ng brownout sa eleksyon.
Pagtitiyak nito, kampante siya na magiging sapat ang suplay ng kuryente sa botohan.
99.9% umano silang na walang sabit ang electricity supply – resulta ng mahigpit na preperasyon ng Election Task Force on Energy na binubuo ng Energy Department, Commission on Elections, at iba pang mga energy stakeholders.
Aniya, kung mayroon mang pagkakataon na magka-brownout, makasisiguro ang publiko na hindi naman mawawalan ng kuryente ang mismong mga polling precints, maging ang mga canvassing area.
#
