Ligtas mula sa African Swine Fever ang mga lechon na ibinebenta sa La Loma sa Quezon City.
Ayon sa ilang nagtitinda ng lechon, hindi sila apektado ng ASF at ligtas raw na kainin ang kanilang mga produkto.
Hindi rin daw sila pinapayagang magkatay ng baboy para sa i-lechon maliban kung ang mga ito ay sumailalim sa inspeksyon bago litchunin.
Samantala, kinumpirma naman ng Veterinary Department inspector ng Lungsod na si Paul Patinio, na wala pang naiiulat na kaso ng ASF o iba pang sakit sa mga baboy na dinala sa lungsod.
