Pinarangalan ni PBGen. Leon Victor Rosete, hepe ng Southern Police District, ang security guard na nakapatay sa lider umano ng isang criminal group na nangholdap sa isang establisimyento sa Makati nitong Miyerkules.
Kinilala ang security guard para sa kanyang dedikasyon, presence of mind, at “attentive fulfillment” sa kanyang duty noong nangyari ang panghoholdap.
Naaresto na ng pulisya ang isa sa apat na nakatakas na suspek habang patuloy pang tinutugis ang tatlo.
