-Reymund Titong
(1st Update) KABANKALAN CITY, Negros Occidental — Lauman nga may pagsaka sa presyo sang kuryente sang Negros Occidental Electric Cooperative (NOCECO) sa bulan sang Hulyo nga mangin P16.11 kilowatt per hour, mas mataas kun e-kumparar sa P14.80/kWh nga presyo sang kuryente sa bulan sang Hunyo.
Sa ginbalhag nga impormasyon sang NOCECO, ila gin-paalinton ang pagsaka sang P1.3119/kWh sa kuryente sa mga residential consumers para sa bulan sang Hulyo bangud sang pagsaka sang presyo sang kuryente nga ginkuhaan sang NOCECO sa Wholesale Electricity Spot Market (WESM).
READ: Linibo nga pumuluyo apektado sang pagsaka sang NOCECO bill
READ: HISTORIC FIRST: Labing una nga protesta batok sa NOCECO humalin 1982, natigayon sa Hinigaran
Nahibaluan man nga wala pa na aprobahan sang Energy Regulatory Commission (ERC) ang power supply aggreement sa KEPCO Salcon Power Corporation, nga amo tani ang makabulig establi sang presyo sang kuryente sang kooperatiba.
Madumduman nga sang nakaligad nga bulan, nagpahayag si Irene Viason, lead convenor sang South Negros Power Advocates (SNPA) nga temporaryo lamang ang pagnubo sang kuryente, bangud sa kapabayaan sang executive committee (EXECOMM) nga sa karun naga padalagan sang kooperatiba.
READ: Pagnubo sang kuryente, “paumpaw” lang suno sa iban nga kunsomidores sang NOCECO
