Patay ang isang dalawang taong gulang na bata matapos itong aksidenteng maatrasan ng ginagawang jeep ng kanyang tatay sa Barangay Liwayway, Mauban, Quezon nitong Linggo, Abril 16.
Ayon sa report, bandang alas 4:00 ng hapon, nagmamaniobra umano ng jeep ang ama ng biktima ng biglang tumakbo ang bata patungo sa sasakyan kung saan ay doon na ito naatrasan.
Dahil dito, nagtamo ng matinding pinsala sa ulo ang biktima na naging sanhi ng agarang pagkamatay nito.
Samantala, tumanggi naman na ang ina ng biktima na magsampa ng kaso laban sa naturang ama nito.
