Isinailalim sa Yellow Rainfall Warning at nailista ang minimal na landslide, pagbaha at kanselasyon ng klase ang lalawigan ng Aklan dahil sa Bagyong Kristine.
Base sa datos ng PDRRMC, may ilang mga puno ng kahoy ang natumba at pagbaha sa ilang mga lugar sa District II ng Aklan malapit sa isla ng Boracay.
Kinansela rin ang ilang mga klase sa pre-school at Senior High School sa District 1 partikular sa municipalidad ng Batan at New Washington.
Sa ngayon, nagpapatuloy pa ang monitoring ng PDRRMO Aklan sa buong probinsya matapos magpalabas ng Heavy Rainfall Warning No.3 ang PAGASA Visayas. (WITH REPORTS FROM MARIVIC ILIN – 89.3 BNFM KALIBO)
