LEGAZPI CITY – Pormal nang nagtukaw kasuudma si Undersecretary of Health Dr. Nestor F. Santiago komo bagong Regional Director kan Department of Health (DOH) Bicol na salida kay dating Regional Director Dr. Ernie Vera.
Sa sinagibong flag raising ceremony, maogmang pig-welcome kan mga empleyado an bagong director asin pinasalamatan man ninda si Vera sa saiyang mga naginibuhan mga programa sa salud sa rehiyon.
Segun kay Santiago, tututukan niya an 8-point action agenda kan DOH tanganing maisagibo an Universal Health Care (UHC).
Kun ano an piglatag na agenda ni Secretary Ted Herbosa, iyo man su boot an saiyang uutubon nganing nasa tamang direksyon asin saro an papadumanan sa salud.
