Pilason ang 34-anyos nga mamumugon matapos nga ginlabo sang isang ka tricycle driver pasado las-11:00 sang gab-i sa Barangay Linateran, Panay, Domingo, Enero 7.
Ginkilala ang biktma nga si Richard Bosico kag suspek nga si Ariel Rodico, 44-anyos, lunsay mga residente sang nasambit nga lugar.
Base sa impormasyon nagikan sa Panay Municipal Police Station, ginlabo sang suspek ang biktima sa magkatuhay nga parte sang lawas gamit ang isa ka sanduko.
Gilayon nga nagresponde sa lugar ang Panay Emergency Response Team kag gindala ang biktima sa Roxas Memorial Provincial Hospital para madapatan sang pagbulong. Samtang nadakpan naman ang suspek kag yara na sa kustodiya sang kapulisan para sa nagakaigo nga disposiyon.| F.J.Preciosa
