“𝗬𝗮𝗻 𝗮𝗻𝗴 𝗮𝗮𝘀𝗮𝗵𝗮𝗻 𝗸𝗼 𝘀𝗮 𝗺𝗴𝗮 𝗯𝗮𝗿𝗮𝗻𝗴𝗮𝘆 𝗼𝗳𝗳𝗶𝗰𝗶𝗮𝗹𝘀, 𝘄𝗮𝗹𝗮 𝘁𝗮𝘆𝗼𝗻𝗴 𝘁𝗮𝘁𝗮𝗹𝗶𝗸𝘂𝗿𝗮𝗻, 𝗹𝗮𝗹𝗼𝗻𝗴-𝗹𝗮𝗹𝗼 𝘀𝗮 𝗽𝗮𝗴𝘁𝘂𝗴𝗼𝗻 𝗻𝗴 𝗽𝗮𝗻𝗴𝗮𝗻𝗴𝗮𝗶𝗹𝗮𝗻𝗴𝗮𝗻 𝗻𝗴 𝗸𝗮𝗯𝗮𝗿𝗮𝗻𝗴𝗮𝘆𝗮𝗻.”
Ito ang ipinunto ni Isabela Vice Governor Bojie Dy III sa katatapos na oath taking ceremony ng mga nanalong Barangay at Sangguniang Kabataan Officials sa Lunsod ng Cauayan ngayong araw.
Aniya, ang mga opisyal ng barangay ay dapat laging available at accessible sa pagtugon ng pangangailan ng kanilang mga kabarangayan upang mapagkatiwalaan ang mga ito.
Pangalawa sa paki-usap ng opisyal ay ang pagbuo ng Lupong taga-pamayapa sa barangay upang maging patas ang pagdinig sa mga problema ng mga residente at mabigyan ito ng agarang solusyon.
Ito aniya ang dahilan kaya’t walang limitasyon ang i-aappoint na miyembro ng Lupon dahil ang mga ito ang mamamagitan sa mga problema ng mga residente.
Pangunahing pagtuunan aniya ng pansin ang katahimikan at kaayusan sa barangay upang patuloy ang pag-unlad nito.
Panghuli ay ipinunto ng bise gobernador na isantabi na ang mga nangyaring alitan sa mga nakalaban o nakasama noong nakaraang halalan at magkaisa sa pagseserbisyo sa barangay upang magamit ng tama ang kanilang pondo.
