NAGPASALAMAT ang mga katawhan sa Malapatan ug Glan sa Sarangani Province human sila nakadawat og hinabang gikan sa Department of Social Welfare and Development Office kon DSWD.
Sumala kang Purok Chairman Camarodin Sada sa Purok Josen nga ubay-ubay sa ilang mga sakop ang na-apektuhan sa 6.8 Magnitude nga linog, daghang mga balay ang naguba.
Gumikan sa tabang pinansyal nagapasalamat sila sa mga opisyal sa gobyerno nga nahimong tulay sa hinabang.
Naghangyo usab si Malapatan Mayor Jun Sumbo sa mga residente sa ilang lugar nga sa mga nakadawat og tabang dapat dili gastuhon sa ubang butang nga wala kinahanglan ang kwarta kondili ipalit og materyales sa panimalay.
Kahibaluan nga ang totally damaged nga balay may nakuha nga P10,000 samtang P5,000 sa partially damaged nga balay, sa katibuk-an anaa sa 4,246 ang nidawat sa hinabang. I Ver Diazon