Arestado it gintingob nga pwersa it Numancia PNP ag Banga PNP ro sangka wanted person sa ginpatigayun nga manhunt operation sa Brgy. Libas, Banga, Aklan.
Ginkilaea ro inarestong si Amafaith Salve Basid y Tacod 31yo, single ag residente it Brgy. Bulwang, Numancia, Aklan.
Ginserbi kana ro warrant of arrest nga gin-isyu ni Hon. Ronald Examundo, Presiding Judge, RTC 6th Judicial Region Branch 4 Kalibo, Aklan nga may petsang Pebrero 21, 2022.
Nagtaeana ro korte it piyansang P24,000 sa kada kaso para sa anang temporaryong kahilwayan. / ANN DESLENE SALAZAR
