Kaabuan sa mga negosyo sa isla it Boracay hay naka depende sa international tourist para maeampasan ro mga hangkat nga tuga it pandemya.
Ag ro paghaeuga sa pandemic prevention measures sa mga turista ro magapabaskug sa industriya it turismo.
Base sa lokal nga gobyerno it Malay, ro mataas nga vaccination rate sa mga tourism workers ag ro paghaeuga sa mga lockdown guidelines ro maga engganyo sa mga turista nga umagto para magbakasyun sa isla it Boracay.
Ro padayun nga pag aeabutan it domestic tourists ro nakakabulig sa Boracay sa pihak it pandemya matapos nailista ku rayang buean it Enero ag Pebrero ro domestic travel nga may masobra 83,000 nga turista.
Matandaan nga bago ro kasagsagan it pandemya, haeos daywang milyong turista ro nagabisita sa isla kada dag-on ag 60 porsyento sa mga raya hay mga Chinese ag Koreans. / ANN DESLENE SALAZAR
