Arestado sang mga kapulisan ang wanted person nga ginserbihan sang warrant of arrest sa kaso nga pagpatay sa Brgy, Hambad banwa sang Dumarao takna alas 12:15 sang hapon, Desyembre 27.
Ginkilala ang akusado kay alyas Kalboy, yara sa husto nga pang-edaron, kasado kag residente sa nasambit nga lugar.
Gin-isyu kag ginpermahan ang warrant ni Presiding Judge Christine Tiangco Vinculado, RTC 6th Judicial, Branch 16, Roxas City, Capiz napetsahan Desyembre 5, 2023.
Samtang P120,000 ang ginrekomendar nga piyansa para sa temporary nga kahilwayan ni alyas kalboy. Sa karon, nakahunong na ini sa lock-up cell sang Dumarao MPS para sa nagakaigo nga disposisyon.
