Liwat naman nga nagataas ang numero sang mga nalatnan sang balatian nga Coronavirus disease 2019 sa probinsya sang Capiz kun sa diin nagdangat sa 16 ang panibag-o nga kaso.
Base sa datos nagikan sa Capiz Provincial Health Office, may yara sang 31 ka aktibo nga kaso sang Covid-19 sa probinsya.
Duha naman ang panibag-o nga ginbawian sang kabuhi bangud sa nasambit nga balatian.
Sa karon, naglab-ot na sa 13,974 ang kabug-usan nga kaso, samtang 13,346 ang nakarekober kag 597 na tanan ang ginbawian sang kabuhi.
Padayon naman ang panugyan sang PHO sa publiko nga magsunod sa public health standard protocols ilabi na subong nga holiday season agud malikawan nga malat-an sang nasambit nga balatian. | Judy Ann Juare
