ILOILO CITY – Nag umpisa eon sa tatlong mga lugar sa Western Visayas ro vaccination rollout sa mga menor de edad nga naga edad 12 hasta 17.
Base sa datus it Department of Health (DOH-6), ginaeakipan raya it Iloilo City, Bacolod City ag Negros Occidental.
Naturukan eon it first dose it COVID-19 ro 473 minors nga may comorbidities sa nasambit nga age group.
Sa nasambit nga numero, nagpanguna ro Bacolod City nga may 266 nga mga minors nga partially vaccinated samtang ginsundan raya it Iloilo City nga may 130 ag Negros Occidental nga may 77 as of November 2.
Owa pa nakaumpisa ro vaccination rollout para sa mga minors with comorbidities sa Aklan, Antique, Capiz, Guimaras ag Iloilo Province. / ANN DESLENE SALAZAR
