NAGA CITY – Inis at pagkadismaya! Yan ang naramdam ng mga commuters kahapon na papasok sa kanilang trabaho at eskwela sa lungsod ng Naga, matapos ang unang araw ng implementasyon sa pagbabawal dumaan ng mga east bound public utility vehicles o mga galing at papunta Pili, Partido, Rinconada Area at Albay sa Concepcion Grande, Concepcion Pequeña road at Rotonda.
Ang mga PUV tulad ng jeep, van at bus ay direstso na sa Almeda Highway. Ayon sa mga mananakay abala at pahirapan ang kanilang pagsakay dahil sa nasabing patakaran, anila kung dati ay sapat lang ang oras ng kanilang biyahe ngayon kailangan nang mag laan ng mas mahabang oras upang hindi mahuli sa pupuntahan, mas maigi yung deretsong biyahe dahil aksaya sa oras at hindi na magdaragdag pa ng budget sa pamasahe.
Layon ng hakbang upang maiwasan ang mabigat na daloy ng trapiko partikular sa rotonda tuwing rush hours.
Sinabi naman ng PSO na nakabantay ang kanilang mga tauhan sa pagbibigay giya sa mga motorista sa kalsada.
