LEGAZPI CITY – Mas nagdakol su boot an mga kajovenesan na nagkakainteres sa agrikultura puon kan nagkaigwa nin pandemya kan taon 2020.
Susog ini sa nagin assessment kan Albay Provincial Agricultures Office (APAO).
Sa intrevista kan Brigada News FM Legazpi kay APAO Assistant Agriculturist Dha Onrubia Buenconsejo, sinabi niya na mas nasabutan kan mga jovenes an importansya kan pagtatanom asin an agricultura as a whole.
Kun hihilingon kaya su boot kangdati, dai ninda aram masyado an mga siring na kurso sa kolehiyo.
Dugang pa ni Beunconsejo, an mga kursong inoopresir sa BU College of Agriculture and Fisheries, nagigin second option sana kan mga estudyante.
Alagad, ngunyan nahiling ninda na dakol na an mga nagkukura ki mga kurso digdi huli ta gusto talaga ninda asin passion ninda.
Segun pa saiya, ini man huli sa saindang kampanya na madugangan an mga technical personnel kan agriculture.
Ini naman kaya an panahon na magkaigwa ki mga iti-train na tawo sa agrikultura na gikan sa bagong henerasyon ta haros gururang na an mga paraoma asin pag nawara sinda, tibaad wara na su boot ki ma-sustain.
