Uwa it narekord nga naninahan sa tropa it Philippine Army sa natabo nga engkwentro kuntra sa New People’s Army sa Sitio Nolwan, Barangay Siya, Tapaz, Capiz ku Enero 25, 2022 it kaaganhon.
Base sa kumpirmasyon ni Army Captain Kim Apitong, spokesperson it 3ID Philippine Army, nakabaton sanda it report nga may presensya it mga miyembro it NPA sa nasambitan nga lugar.
Naga-plano segun ro NPA nga mag-atake sa military patrol rason nga insigida nga naghiwat it combat operation ro militar nga nagresulta sa encounter nga nagbuhay it napueo ka minuto.
Na-recover sa lugar ro anti-personnal mine, hand grenade; CPP-NPA flag, cellphone charger, relo, bota, backpack, electrical wires, ag mga bueong.
Nagapati si Apitong nga may kumpirmadong ninahan sa NPA bangud sa mga nakit-an nga mga mantsa it dugo sa encounter site./JIL B. LACSON
