Kini human adunay nakitang foul play ang kapolisan sa kamatayon sa biktimang si Verna Mae Gumilao, 44-anyos kinsa lumad nga taga Ozamiz City.
Matud ni PMaj. Peter Tajor, hepe sa PS6 nga alas 9:20 niadtong Marso 23, adunay nadungog ang mga silingan nga naglagubo sa maong kwarto ug nakadungog sa tingog sa biktima nga nagbutyag nga “Naa napod ka dinhi”.
Maoy hinungdan nga nahimong person of interest ang kanhi live-in partner sa biktima nga dayag sa mga pulong niini nga nakaila ra sa suspek.
Butyag sa kapolisan, posibli matud pa nga gipakug sa suspek ang ulo sa biktima tungod sa mga nakitang dugo sa kotson.
Gitutukan karun sa kapolisan ang posibling selos ang hinungdan sa pagpatay sa biktima.
Una nang napalgan sa mga kauban sa trabaho ang biktima dihang giadto sa iyang gipuy-an tungod kay wala na kini maka duty.
Sa pagkakarun ipaubos pa sa otopsiya ang patayng lawas sa biktima arun masuta kung unsa ang tinood nga hinungdan sa kamatayon niini.
