Arestado it miyembro’t Kalibo PNP ag Intelligence Operatives ru 2 mga akusado sa kasong libel sa Poblacion, Kalibo, Aklan.
Nakilaea ru mga akusado nga sanday Hazel Odinada, 32 anyos ag residente it Melgar Road Brgy. Estancia, Kalibo, Aklan ag Wendylyn Repito , 30 anyos ag taga- Brgy. Odiong, Altavas, Aklan.
Unang na aresto it mga kapulisan si Odinada may Criminal Case No. 16136 sa kasong libel nga permado ni Hon. Nelson Jiz Bartolome Presiding Judge RTC, Kalibo, Aklan, 6th Judicial Region na may petsang March 21, 2022.
Samtang, arestado man si Repito bangud kasong libel sa idaeom it Republic Act 10175 nga may Criminal Case No. 16137.
Naga balor it tag P10,000 sa kada isaea ru pyansa para sa temporaryong kahilwayan it mga akusado.
Samtang, naka taeana nga iga turn-over sa korteng nga natungdan ru mga akusado makarong adlaw.//MARIVIC Y. ILIN
