Gipasidan-an sa Commission on Elections Northern Mindanao ang mga kandidato ug supporters dungan sa pormal nga pagsugod karong adlawa sa local campaign period.
Gibutyag ni Comelec-10 Regional Election Director Atty. Francisco Pobe nga malaumon sila nga nakasunod ang tanan sa lagda sa balaod sa eleksyon ingon man ang pagsunod sa minimum public health standards.
Subay niini, naka-han-ay nasab ang mga schedule sa matag syudad ug lungsod alang sa paglusad sa oplan baklas sa mga election propaganda material nga nakalapas sa gabayan partikular sa mga public areas.
Kini gawas lamang sa Temporary Restraining Order nga gi-isyu sa Korte Suprema alang sa kadtong mga election materials nga nabutang sa mga private properties.
Dugang pa ni Atty. Pobe nga unta sa pagsugod sa local campaign period, mahimong malinawon ang tanan hangtod na sa adlaw sa piliay sa Mayo 9 ning tuiga.
