Supurtado sa pamunuan sa Davao City Overland Transport Terminal ang plano sa Department of Transportation nga himoong vacciantion sites ang mga pasilidad ubos sa pagdumala niini.
Sumala kang DCOTT Manager Aisa Usop, gibutyag niini nga maayo ang plano sa DoTr aron mas paspas ang pagbakuna sa katawhan.
Apan gitataw niini nga maghulat pa gihapon sila sa mando o derektiba gikan sa City LGU sa higayon nga ihinayon sa ahensya ang lakang nga paghimo sa mga terminal sa nasud isip vaccination site.
Sa oras nga matuman kini, gisiguro sa opisyal nga dunay saktong koordinasyon ang pasilidad ngadto sa otoridad aron masiguro nga hapsay ang dagan sa pagbakuna ingon man ang dagsa sa mga pasahero lakip na sa mga satellite terminal. Kahibaluang gilaraw sa DoTr ang paggamit sa mga terminals, expressways ug stasyon sa mga tren sa nasud isip vax sites aron mas lapad ang paghatag og proteksyon sa publiko.BNFM-DAVAO
