LEGAZPI CITY – Dai pighahali kan Land Transportation, Franchising and Regulatory Board Bicol an posibilidad nin kariribukan o mga conflict en kaso maipautob an suspension sa Public Utility Vehicle Modernization Program na pigbubusol kan mga senador.
Sa intrevista kan Brigada News FM Legazpi kay LTFRB Bicol Regional Director Joel Defeo, sinabi niya na bako sana an 90% kan mga operators na nakapagpa-consolidate na an ma-react digdi kundi pati man an mga commuter.
saiya, dai man manenegaran na dakol an mga nagmamawot na makaesperyensyang makalunad sa modernized units na safe, convenient asin igwa nin maray na serbisyo.
Dugang pa niya, magigin komplikasyon kun sususpendiron an programa orog na ta may mga operators nang nakakua na ki mga unit, asin igwa nang mga pighuhulugan.
Mientrastanto, segun kay Defeo, sa ibong kaini, masunod sinda sa kun ano an direktiba ni Presidente Bongbong Marcos nin huli ta an saindang opisina nasa lindong kan executive branch.
