Kabsan sa kinabuhi ang duha ka sundalo lakip niini ang usa ka opisyal human sila gipamusil sa usa ka SSgt. Arvin Bureros membro sa Philippine Army human kini nagmaoy alas 6:30 ang takna sa hapon atol sa gihimong formation sa CMO Battalion sa Brgy. San Agustin, Tagum City, Davao del Norte.
Giila ni Captain Mark Anthony Tito, spokesman sa 10th Infantry Division ang duha ka biktima nga sila si Maj. Franklyn Embat, TSgt. Sandato Toma nag gipangrapido sa suspek samtang samaron usab ang usa pa ka opisyal nga si Maj. Minehart Maliaoao nga anaa na karon sa luwas nga kahimtang.
Subay sa imbestigasyon, nag-formation matud pa ang team ni SSgt. Manuel Quevedo sa gym dihang niagi ang suspek nga si Bureros dayon namulong nga ““Tapuson na nato ni” dayon deretso sa duha ka biktima nga nagpungko dool sa gate sa kampo ug gipaarakan gamit ang R4 rifle.
Gidala pa sa ospital si Embat ug Tuma apan dead on arrival gumikan sa grabeng mga samad pinusilan nga naangkon.
Ang suspek usab nakakustudiya karon sa Tagum Police Station human kini nisurender sa usa ka Kapitan pasado alas dos sa kadlawon kagahapon samtang giandam na ang kasong ipasaka batok kaniya. BNFM-DAVAO
