MALAMPUSON ang gihimong Run after contribution evaders (RACE) sa Social Security System (SSS).
Tumong sa maong programa ang paghatag og higayon sa mga employers o negosyante nga wala nakahimo sa ilang responsibilidad sulod sa pipila ka tuig o kadtong mga gihatagan og tsansa panahon sa pandemya, sama nalamang sa pakyas nga paghatag og contribution alang sa mga empleyado ug pakyas nga magparehistro sa SSS.
Pinaagi sa condonation program, gihatagan sila og higayon nga maka- comply sulod sa 15 diyas gikan karon hangtud Mayo 19, kung mapakyas nga maka-comply, muhimo na og legal action ang SSS batok sa mga employers nga nakasupak sa Social Security Law pinaagi sa show cause order.
Nasayran nga 11 ka mga establishments ang gironda sa taga SSS aron nga ipahibalo ang ilang kakulangon ug bayolasyon sa ahensya.
Nanawagan ang SSS sa mga employers nga making-alayon kanila pinaagi sa condonation program. MJ Fernandez
