Tuskig na nga nakit-an ang usa ka lalaki sa Rizal Avenue, Brgy. Zone I, Digos City atubangan sa Digos City National High School kagahapon sa buntag.
Ang biktima giila nga si Romulo M. De Grasya, 65-anyos, balo, retired government employee nga residente sa Acaciahan, Datuc Compound, Brgy. Zone I, Digos City.
Sumala pa nga kanunay molakaw ang biktima matag kadlawon aron mag-ehersisyo apan gisaysay sa iyang anak nga duna kini epilepsy nga gitoohang giatake og walay nakakita kaniya kagahapong adlawa.
Walay foul play sa kamatayon sa biktima nga gihaya na sa iyang mga kabanay. BNFM-DAVAO
