Nagsubo ug nabalaka ang pipila ka mga mi-invest og kwarta sa gikaingong Repa Paluwagan Scheme dinhi sa dakbayan sa dabaw.
Gibutyag sa Anti-Scam Unit sa Davao City Police Office (DCPO) nga anaa matud pa sa dul-an 30 ka mga investors sa nahisgutang scheme ang gikaingong midagan ang ilang administrator sailang giapilang repa.
Hinuon, disidido matud pa nga mupasaka og kaso ang mga na scam sailang mga admin. Gibutyag sab sa pipila ka mga nangapil nga anaa sa 400,000 hangtod sa 7.7 milyon ang ilang na-invest na kwarta hinungdan nga dili matud pa sila mahimutang kada adlaw.
Kahinumdoman nga nag viral ang usa ka video diin nagtapok-tapok na ang mga tawo sa usa ka establisyemento partikular na sa Brgy. Leon Garcia, Agdao mahitungod sa Paluwagan scheme ug wala mituman sa sumbanan sa health protocols.
Dugang nila nga ang nahisgutang kwarta ang pinag-iyahan usab sa mga tawo nga misalig kanila. Dako matud pa ang kumpyansa sa pipila ka miapil gumikan nga aduna na sumala pay naka pay-out sa Baliok, Buhangin, ug Sasa ning syudad.
