Binigyang-diin ni Senadora Imee Marcos na ang pag-antabay at pagtulong sa mga Pilipinong magsasaka ang nakikita niyang paraan upang malabanan ang importasyon.
Anya, kung titignan kase ay hindi naman importasyon o pag-aangkat ang sagot sa kakulangan sa pagkain kundi mga Pilipinong magsasaka.
Kasunod nito, iminungkahi niyang bigyan ang mga taga-Visayas at Mindanao ng transport subsidy at maging sahod para sa mga maliliit na mambubukid at mangingisda.
Dagdag pa niya, pwede ring ipagamit sa mga kabataang magsasaka ang mga nakatiwangwang na lupa ng gobyerno upang masolusyunan ang kagutuman at mahal na bilihin ng pagkain.
