Manami nga balita suno kay Atty. Mae Rago Castillo, Regional Information Officer it DSWD Field Office 6, bangud may retroactive payment para sa mga 4Ps beneficiaries sa Region 6, partikular ro mga na-hold ro andang cash grant bangud sa initial findings nga non-poor sanda.
Suno kay Atty. Castillo, bangud sa umagi nga pandemic ag nakit-an base sa Social Welfare and Development Indicators o SWIDI results nga kinhangean pa ku mga raya it bulig ag indi pa kinhangean mag exit sa programa rasun nga makabatun pa ro mga raya.
Ro mga makabatun nga 4Ps households it retroactive payment hay magaabot sa 53,408 households. Ro first batch nga makabatun hay nagaabot sa 44,096 households, ro second batch hay 9,302 households, ag ro third batch hay 10 households.
Nagpanugyan man si Atty. Castillo sa mga benepisyaryo nga makabatun it retroactive payment nga gamiton ro kwarta para sa mga unga sa andang health ag edukasyon, bangud ro 4Ps hay naga invest para sa future it mga inunga. // ANN DESLENE SALAZAR
