NAKAULI og armas ngadto sa Lagao Police Station ang usa ka residente sa Rosario Village, Barangay Lagao.
Subay sa impormasyon usa ka 39-anyos nga residente sa lugar ang nakakita og pouch nga nga kolor itum sa kasagbutan nga bahin sa bakante nga luna sa dalang Mahogany.
Ang sulod sa pouch usa ka kalibre .45 nga armas, may usa ka bala ug may magazine, apan walay makatudlo kon si kinsa ang tag-iya sa armas.
Gitugyan sa lalaki ngadto sa Lagao Police Station ang napalgang armas, samtang ipaagi sa Regional Forensic Unit alang sa ballistic examination. I Ver Diazon
