Ginapatigayun ro coastal clean-up drive sa isla it Boracay kung siin, may tema raya nga “Tapat Ko, Linis Ko”.
Base sa Municipal Ordinance No. 84, Series of 1995, gin-imbitahan ro tanan nga organisasyon, kooperatiba, establisyemento, government ag non-government agencies sa isla nga magpartisipar sa adlaw-adlaw nga coastal clean-up drive sa makarung Habagat season.
Ro tiempo it “Habagat” hay nagatuga it pagdagsa it marine debris, partikular sa White Beach, rasun nga gina-engganyo ro komunidad nga mag-iliba ag maghimo it aksyon agud maibalik ag mapabilin ro kalimpyo it baybayon. // ANN DESLENE SALAZAR
