Handang isumite ng Bureau of Immigration ang record of travel ni Bamban, Tarlac Mayor Alice Guo sakali mang ipa-subpoena ito ng kahit anong ahensiya ng gobyerno.
Ayon kay BI Spokesperson Dana Sandoval, hindi nila ito masabi sa publiko dahil sa data privavcy issue.
Pero kung makakatanggap sila ng formal request para dito ay handa nila itong isumite.
Matatandaang , paulit-ulit na ginisa si Mayor Guo noong nagkaroon ng pagdinig sa Senado hinggil sa operasyon ng POGO hub sa probinsiya.
Isa sa kwestyon sa kanya ng mga senador ay ang kanyang pagkakakilanlan sat personal record bilang Pilipino.