Nag-atubang og kasong illegal recruitment ang 9 ka mga tawo human gipangkasuhan sa National Bureau of Investigation-7 tungod sa pagkalambigit sa dakong sindikato.
Nadakpan atol sa entrapment operation niadtong Dominggo sa Brgy. Pooc, Talisay City ang nahisgutang mga sakop sa sindikato, pinanguluhan sa prime suspect nga si Alice Rondez.
Matud ni NBI-7 Director Atty. Rennan Augustus Oliva nga si Rondez nigamit og pangalan sa gitrabahuan niyang recruitment agency sa Australia aron makapahimulos sa mga biktimahonon.
Nag-operate ang grupo ni Rondez sa dakbayan sa Sugbo sulod sa pipila ka tuig ug nagpailang nagpahigayon og orientation alang sa mga buot mamahimong farm workers sa Australia.
Ang modus niini, kinahanglang mobayad ang mga aplikante og managlahing bayronon gikan sa entrance t-shirts, ug uban pang bayronon matag semana.
Samtang ang mga aplikante, mo-recruit usab og dugang pang mga tawo aron modaghan. Isip kabahin sa recruitment, kinahanglang mohimo og vlog ang mga aplikante aron ipaila ang kinabuhi sa pagka-mag-uuma.
Daling mipahigayon og imbestigasyon ang NBI-7 human nakadawat og sumbong gikan sa 40 ka mga reklamante.
Nipahigayon na og inquest proceedings ang NBI-7 sa Talisay City Prosecutors Office dungan sa pagkatanggong karon sa mga dinakpan sa ilang detention facility.
