LEGAZPI CITY – Arestado an lalaki na kinonsiderar komo Rank No. 7 Most Wanted Person kan Ligao City Albay sa Purok 5, Brgy. Paulog kan nasambit na syudad. Binisto ining si alyas Robert, 58 anyos, may agom asin residente kan kaparehong lugar.
Inarestar ini sa kusog kan mandahamiento de aresto para sa kasong panlulugos sa irarom kan Article 266-A (1) konektado sa Article 266-B kan Revised Penal Code na warang piyansa asin Lascivious Conduct sa iraom kan Section 5-B kan RA 7610 o pang-aabuso nin aki na may piyansang P200,000.
Nasa kustodiya na ini kan pulisya para sa magkakanigong disposisyon.