Sugdan sa City Transport Traffic and Management office ang pag-inspection sa mga PUV ID sa mga public utility drivers ug operators nga nagalawig sa dakbayan.
Subay sa impormasyon gikan sa CTTMO, karong Marso 1, 2022 sugdan ang operasyon human unya sa deadline sa pagkuha ug pagrenew og PUV ID.
Busa giawhag sa buhatan ang mga PUV drivers nga molokat og ID hangtud Pebrero 28, 2022 sa CTTMO Compound, Elias B. Lopez St. cor. Patnubay St. SIR Matina aron dili maisyuhan og citation ticket sa higayon nga masakpang expired ang gihuptang ID.
Kahibaluang ang PUV ID mandato ubos sa City Ordinance No. 0334-12, Series of 2012 kon Comprehensive Transport and Traffic Code of Davao City.
Ang mga mokuha og PUV ID gitambagan nga magdala sa ilang mga DQR Code ug Vaccination card, gawas pa sa mga pertinenteng requirements atol sa pagkuha. BNFM-DAVAO
