Balhog sa prisohan ang 6 ka indibidwal human nga naaktuhan kining nagdula og online sabong atol sa gikasang operasyon sa mga personahe sa Ecoland Police Station sa Matina Aplaya Road, Davao City.
Ang mga dinakpan giila nga sila Judito Alboro Hit, 47-anyos, minyo, Junaldo Marquez Cabrera, 52-anyos, minyo, Melcon Prato Ladao Sr., 41-anyos, minyo, Ronald Jetotua, 29-anyos, adunay live in partner, Ricardo Edulsa Labastida, 44-anyos, minyo ug Donald Dumale Edaño, 34-anyos, minyo.
Narekober sa mga dinakpan ang usa ka cellphone unit nga maoy gigamit sa maong aktibidad ug bet money nga Php 640.00
Gikustodiya na ang mga suspek ug nag atubang na og kasong gipasaka batok kanila. BNFM-Davao
