-Reymund Titong
KABANKALAN CITY, Negros Occidental — Gin-deploy sang Philippine Statistics Authority (PSA)-Negros Occidental ang 2,332 ka personnel sa probinsya, lakip na sa Bacolod, para magpatigayon sang Census of Popuation and Community-Based Monitoring System (POPCEN-CBMS) nga nagsugod snag Hulyo 15 kag magalawig asta Setyembre 15, subong nga tuig.
Ang gin-pang deploy ang gina lakipan sang 1,591 ka mga enumerators, 269 ka team supervisors kag 69 ka census area supervisors na gin-assigned sa 19 ka municipalidad kag 12 ka syudad sa probinsya, nga may 601 ka mga barangay.
Samtang, ang Bacolod naman ang may gin pahamtang nga 335 ka enumerators, 56 ka team supervisors, kag 12 ka census area supervisors, nga maglibot sa 61 ka barangay sang syudad.
Suno kay PSA-Negros Occidental chieef statistical specialist John Campomanes, ang mga field enumerators sa subong nga tuig nga POPCEN-CBMS ang magagamit sang Android tablets, para sa madasig nga pagkolekta kag proseso sang mga datus, kag may mga suksuk ini nga mga indentification cards (IDs).
Dugang pa ni Campomanes nga ang census ang magadugay sang tatlo ka bulan humalin Hulyo tubtob Setyembre, ang iya Gina expektar nga matapos ang population count antis mag takup ang tuig.*
