Presente nga uwa it namonitor nga mga aktibong private armed groups (PAGs) sa Western Visayas ro Police Regional Office 6.
Base pa kay Police Brigadier General Flynn Dongbo, regional police director, kinahangean gihapon nanda nga igapadayon ro pagsubaybay bangud uwa pa nag-umpisa ro kampanya it mga lokal nga kandidato.
Ginkumbinse man nana ro publiko nga alertuhan ro mga kapulisan kung may impormasyon sanda angot sa mga nagadaeagan nga pulitiko nga naga-hire sa mga armadong grupo.
Kaabuan sa mga PAG hay mga takas ag gun-for-hire, dugang pa nana.
Ginmanduhan man nana ro tanan nga personnel nga mas pabaskugon pa ro andang operasyon kuntra sa mga loose firearms ag mga wanted person./JIL B. LACSON
